ഓർമ്മയുടെ ചില ചായപ്പലകകൾക്ക്
ഏകാന്തമായൊരു ഗ്രാമോദ്യാനത്തിന്റെ ദീപ്തി,
നിദ്രയുടെ പരിചിതദേശത്തു കണ്ട
സ്വപ്നത്തിന്റെ ശാന്തി.
ഇനിയും ചിലതിൽ കാണുന്നു
പൊയ്പ്പോയ നാളുകളിലെ ഉത്സവമേളങ്ങൾ,
കൂത്തുകാരന്റെ ചരടിൽ തുള്ളുന്ന
പാവക്കോലങ്ങൾ...
പൂ വിടർന്ന മട്ടുപ്പാവിനപ്പുറം
മനം കടുത്തൊരു പ്രണയത്തിന്റെ സംഗമം.
തുടുത്ത വെയിലിൽ വെട്ടിത്തിളങ്ങുന്ന സന്ധ്യ...
വെളുത്ത ചുമരിനു മേൽ തുളുമ്പിവീഴുന്ന വള്ളികൾ...
നിഴലടഞ്ഞ തെരുവിന്റെ വളവിൽ
വെളുത്ത ലില്ലിപ്പൂവിനെ ചുംബിക്കുന്ന മായാരൂപം.
No comments:
Post a Comment