പ്രഭോ: നേരമായി. വിപുലഗ്രീഷ്മം കടന്നുപോയി.
ഇനി നിന്റെ നിഴലുകളാൽ മൂടുക സൂര്യഘടികാരങ്ങളെ,
മേടുകളിൽ കെട്ടഴിച്ചുവിടുക കാറ്റുകളെ.
മരങ്ങളിൽ, വള്ളികളിൽ വിളയട്ടെ കനികളെന്നു കല്പിക്കുക;
ഇനിയും ചില തെളിഞ്ഞ നാളുകൾ കൂടിയവയ്ക്കനുവദിക്കുക,
പിന്നെ സാഫല്യത്തിലേക്കവയെ തിടുക്കപ്പെടുത്തുക,
കൊഴുത്ത വീഞ്ഞിലന്തിമമാധുര്യം പിഴിഞ്ഞൊഴിക്കുക.
ഇന്നു വീടില്ലാത്തവനു വീടുണ്ടാവില്ലൊരുകാലവും,
ഇന്നൊറ്റയാവനൊറ്റയാവുമിനിയെന്നും,
രാത്രി വൈകിയുമവനിരിക്കും, വായിക്കും, നീണ്ടുനീണ്ട കത്തുകളെഴുതും,
നടവഴികളിലലഞ്ഞലഞ്ഞുനടക്കും:
പഴുക്കിലകൾ കൊഴിഞ്ഞുവീഴുകയുമാവും.
No comments:
Post a Comment