എത്ര പ്രകാശവർഷങ്ങൾ നക്ഷത്രങ്ങൾക്കിടയിൽ!
അതിലുമെത്ര വിപുലമാണിവിടെ നാമറിയുമകലങ്ങൾ!
ഇവിടെയൊരു കുട്ടി...ഇനിയൊരു കുട്ടിയരികിൽ-
എത്രയചിന്ത്യമാണവർക്കിടയിലകലം!
വിധി നമ്മെയളക്കുന്നതായുസ്സിന്റെ മുഴക്കോലു കൊണ്ടോ?
നമുക്കതത്രയുമന്യമായതതുകൊണ്ടുതന്നെയോ?
ഒരു സ്ത്രീ പുരുഷനു ദാഹിക്കുമ്പോൾ, എന്നിട്ടൊഴിഞ്ഞുമാറുമ്പോൾ
അവർക്കിടയിലകലമെത്രയെന്നോർത്തുനോക്കൂ!
അകലെയാണെല്ലാം-, വൃത്തമടയുന്നില്ലെവിടെയും.
അലങ്കരിച്ച മേശ മേൽ നിരത്തിവച്ച തളികകൾ,
അവയിൽ മീനുകളുടെ മുഖഭാവമെത്ര വിചിത്രം.
മീനുകളൂമകൾ...എന്നല്ലേ നാം കരുതി?
ഒടുവിലൊരിടമുണ്ടാവില്ലെന്നാരു കണ്ടു,
നമുക്കു സംസാരഭാഷ മത്സ്യഭാഷയാകുന്നൊരിടം?
ഓർഫ്യൂസ് ഗീതകങ്ങൾ-2,20
link to image
No comments:
Post a Comment