നിനക്കെഴുതാനെന്നോടെന്തിനു നീ പറയുന്നു?
ശിലായുഗമനുഷ്യനെപ്പോലെ നഗ്നനായി
നിന്റെ മുന്നിൽ നില്ക്കാനോ?
എഴുതുകയെന്നാൽ നഗ്നനാവുകയാണെന്നാണെനിക്ക്.
പറയുമ്പോളൊരുവിധം നാണം മറഞ്ഞ നിലയിലാണു ഞാൻ.
എഴുതുമ്പോൾപ്പക്ഷേ വെളിച്ചത്തിൽ വട്ടം ചുറ്റുന്ന
ഇതിഹാസപ്പറവയാവുകയാണു ഞാൻ.
എഴുതുമ്പോൾ മുക്തനാവുകയാണു ഞാൻ
ചരിത്രത്തിൽ നിന്ന്, ഭൂഗുരുത്വത്തിൽ നിന്ന്;
നിന്റെ കണ്ണുകളുടെ ബഹിരാകാശത്തിൽ
ഭ്രമണം ചെയ്യുകയുമാണു ഞാൻ.
1 comment:
എഴുതുമ്പോൾപ്പക്ഷേ വെളിച്ചത്തിൽ വട്ടം ചുറ്റുന്ന
ഇതിഹാസപ്പറവയാവുകയാണു ഞാൻ.
എഴുതുമ്പോൾ മുക്തനാവുകയാണു ഞാൻ
ചരിത്രത്തിൽ നിന്ന്, ഭൂഗുരുത്വത്തിൽ നിന്ന്;
എഴുതി എഴുതി താങ്കള്‍ എഴുത്തുകളെ കീഴടക്കട്ടെ.
Post a Comment