സ്വാതന്ത്ര്യത്തിന്റെ സൈക്കിളിൽ
ലോകം ചുറ്റാനിറങ്ങി ഞാൻ.
കാറ്റിന്റെ സഞ്ചാരം പോലെ
നിയമങ്ങളെ മാനിക്കാതെയും.
വീടെവിടെയെന്നു ചോദിച്ചപ്പോൾ
സ്ഥിരതാമസം പാതയോരത്തെന്നു പറഞ്ഞു ഞാൻ.
രേഖകളെവിടെയെന്നു ചോദിച്ചപ്പോൾ
നിന്റെ കണ്ണുകൾ കാട്ടിക്കൊടുത്തു ഞാൻ.
കടന്നുപോകാനനുമതിയന്നേരം കിട്ടിയെന്നേ!
അവർക്കറിയാം പ്രിയേ,
നിന്റെ കണ്ണുകളുടെ നഗരങ്ങളിൽ സഞ്ചരിക്കാൻ
ഏതു ലോകപൗരനുമുണ്ടവകാശമെന്ന്.
link to image
No comments:
Post a Comment