എന്റെ ചുംബനമൊരു മാതളമായിരുന്നു,
പിളർന്നതുമാഴ്ന്നതും;
കടലാസു കൊണ്ടൊരു പനിനീർപ്പൂ,
നിന്റെയധരം.
പശ്ചാത്തലം, ഒരു മഞ്ഞുപാടം.
അടകല്ലുകൾക്കു കൂടങ്ങളായിരുന്നു,
എന്റെ കൈകൾ;
മണി മുഴങ്ങുന്ന സായാഹ്നം,
നിന്റെയുടൽ.
പശ്ചാത്തലം, ഒരു മഞ്ഞുപാടം.
നീലിച്ച കപാലം വായ പിളർന്നു.
ഉള്ളിൽ തൂങ്ങിക്കിടന്നിരുന്നു,
മഞ്ഞിന്റെ തൊങ്ങലുകൾ പോലെ
എന്റെ പ്രണയവചനങ്ങൾ.
പശ്ചാത്തലം, ഒരു മഞ്ഞുപാടം.
എന്റെ കൗമാരസ്വപ്നങ്ങളിൽ
കരിമ്പായലടിഞ്ഞു,
തമരു പോലെന്റെ കദനം
ചന്ദ്രനിൽ തുളഞ്ഞുകയറി.
പശ്ചാത്തലം, ഒരു മഞ്ഞുപാടം.
ഭവ്യമായ പാഠശാലകളിൽ
ഞാൻ പരിശീലിപ്പിക്കുന്നു,
എന്റെ പ്രണയത്തെ, എന്റെ സ്വപ്നങ്ങളെ,
(കണ്ണുപോയ കുതിരകളെ).
ഒരു മഞ്ഞുപാടമാണു പശ്ചാത്തലം.
1920 ഒക്റ്റോബർ
No comments:
Post a Comment