യാതൊന്നുമില്ല,
നിന്റെ പൊള്ളുന്ന ഹൃദയമൊന്നേ.
എന്റെ പറുദീസ,
രാപ്പാടികളില്ലാത്ത,
തംബുരുവില്ലാത്ത ഒരു പാടം,
ഒരു കുഞ്ഞുറവയുമായി,
കണ്ണിൽപ്പെടാത്തൊരു പുഴയുമായി.
ഇലച്ചിലിൽ
തെന്നലിന്റെ കുതിമുള്ളില്ലാതെ,
ഇലയാവാൻ മോഹിക്കുന്ന
നക്ഷത്രമില്ലാതെ.
ഒരതിദീപ്തിയ്ക്കു മോഹം,
ഉടഞ്ഞ നോട്ടങ്ങളുടെ പാടത്ത്
ഒരു മിന്നാമിന്നിയാവാൻ.
ഒരു ദീപ്തശയ്യ,
അവിടെ വിടരും
നമ്മുടെ ചുംബനങ്ങൾ,
മാറ്റൊലിയുടെ മുഖത്തെ
മുഖരമായ മറുകുകൾ.
യാതൊന്നുമില്ല,
നിന്റെ പൊള്ളുന്ന ഹൃദയമൊന്നേ.
1920
2 comments:
നന്നായിട്ടുണ്ട് മാഷേ...
നന്നായിട്ടുണ്ട് മാഷേ...
Post a Comment