കിളി പാട്ടിന്റെ ഒടുവിലത്തെ വരിയിലെത്തിയിരുന്നു
അതിന്റെ നഖങ്ങൾക്കടിയിൽ മരം പൊടിഞ്ഞുതിരുകയായിരുന്നു
ആകാശത്തു മേഘങ്ങൾ പിരിഞ്ഞുകൂടുകയായിരുന്നു
ഭൂമിയെന്ന മുങ്ങുന്ന നൌകയുടെ വിടവുകളിലൂടെ
ഇരുട്ടൊലിച്ചിറങ്ങുകയായിരുന്നു.
ടെലിഗ്രാഫ് കമ്പികളിൽ മാത്രം
ഒരു സന്ദേശം
ഒച്ചപ്പെട്ടുകൊണ്ടിരുന്നു:
തി-.-രി..ച്ചു.-.വ...രൂ---
നി...ങ്ങ-.-ൾ...ക്ക്.--.
ഒ...രു.-.മ---ക...ൻ.-.
പി---റ-.-ന്നു---
2 comments:
നന്നായിട്ടുണ്ട് . മനസ്സില് തട്ടുന്ന കവിത.
Good to listen the concept ..
Post a Comment