എന്റെ ദൈവമേ, അതെന്തുതരം രാത്രിയായിരുന്നു!
പതുപതുത്ത മെത്തയിൽ ഒട്ടിപ്പിടിച്ചു നാം കിടന്നു,
ഒരുമിച്ചു നാമെരിഞ്ഞു, നാം കിടന്നുരുണ്ടു.
അണ മുറിഞ്ഞൊഴുകിയ വികാരങ്ങൾ
ചുണ്ടുകൾക്കിടയിലൂടെ കുത്തിയൊലിച്ചു.
ആ പടുതിയിൽ കിടന്നു മരിക്കാൻ കഴിഞ്ഞിരുന്നെങ്കിൽ
ജീവിതമെന്ന ഏർപ്പാടിനോടന്നേ ഞാൻ വിട പറഞ്ഞേനെ.
പെട്രോണിയസ് ആർബിറ്റെർ (27-66) - നീറോയുടെ കാലത്തു ജീവിച്ചിരുന്ന റോമൻ കവി. സറ്റൈറിക്കോൺ എന്ന നോവൽ പ്രധാനകൃതി.
No comments:
Post a Comment