ദേഹമാണു പ്രണയത്തിനു കാരണം
ദേഹമാണു പ്രണയത്തിനു കാരണം,
പിന്നെ അതിനെ കാക്കുന്ന കോട്ടയും,
അതിൽപ്പിന്നെ പ്രണയത്തിന്റെ തടവറയും.
ദേഹം മരിക്കുമ്പോൾപ്പക്ഷേ,
അളവറ്റ സമൃദ്ധിയുമായി
പ്രണയം മോചനം നേടുന്നു,
വീണുടയുന്ന കുടുക്ക പോലെ:
പ്രചണ്ഡമായ കിലുക്കത്തോടതിൽ നിന്നു
പുറത്തുചാടുന്നു
കാലങ്ങളായുള്ള ലോഭത്തിന്റെ
നാണയങ്ങളത്രയും.
പ്രണയഗാനം
തുടക്കത്തിലിങ്ങനെ:
പെട്ടെന്നൊരയവും ഉള്ളിലൊരാനന്ദവും,
ചെരുപ്പിന്റെ നാടയൊന്നയഞ്ഞതു കെട്ടാൻ
നിങ്ങളൊന്നു കുനിയുംപോലെ.
പിന്നെ മറ്റുനാളുകളുടെ വരവായി.
ഇന്നു ഞാൻ ഭീഷണപ്രണയങ്ങളുള്ളിലൊളിപ്പിച്ച
ഒരു ട്രോജൻ കുതിര പോലെ.
ഓരോ രാത്രിയും അവ കെട്ടുപൊട്ടിച്ചു പായുന്നു,
കാടു കാട്ടി നടക്കുന്നു,
പുലരുമ്പോളെന്റെയുദരത്തിലേക്കവ
മടങ്ങുകയും ചെയ്യുന്നു.
No comments:
Post a Comment