നമ്മുടെ പ്രണയത്തിന്റെ ചരിത്രത്തിൽ
ഒരാളെന്നെന്നും ഒരു നാടോടിഗോത്രം,
മറ്റേയാൾ സ്വന്തം മണ്ണുള്ള രാഷ്ട്രം.
നാമന്യോന്യം സ്ഥാനങ്ങൾ വച്ചുമാറിയപ്പോൾ
നമ്മുടെ പ്രണയത്തിന്റെ കഥയും കഴിഞ്ഞു.
കാലം നമ്മെക്കടന്നുപോകും,
വേദിയിൽ പറഞ്ഞിടത്തു നില്ക്കുന്ന നടന്മാർക്കു പിന്നിൽ
രംഗപടങ്ങൾ മാറുമ്പോലെ.
വാക്കുകൾ പോലും നമ്മുടെ ചുണ്ടുകൾ കടന്നുപോകും,
കണ്ണീരു പോലും നമ്മുടെ കണ്ണുകൾ കടന്നുപോകും.
സ്വസ്ഥാനത്തു നില്ക്കുന്നവരെയൊക്കെക്കടന്നു കാലം പോകും.
നമ്മുടെ ശിഷ്ടജീവിതത്തിന്റെ ഭൂമിശാസ്ത്രത്തിൽ
ആരു തുരുത്ത്, ആരു വൻകരയെന്ന്
നാമിരുവർക്കും തെളിഞ്ഞുകിട്ടും,
നമ്മുടെ ശിഷ്ടജീവിതത്തിൽ
അന്യരുമൊത്തുള്ള പ്രണയത്തിന്റെ രാത്രികളിൽ.
No comments:
Post a Comment