നിങ്ങളുടെ തൊപ്പി തൂക്കിയിടാൻ
ചുമരിൽ ആണിയടിച്ചുകയറ്റുകയൊന്നും വേണ്ട;
കയറിവരുമ്പോൾ കസേരയിലതിട്ടേക്കൂ,
ഒരു വിരുന്നുകാരനും അതിലിരുന്നിട്ടില്ല.
പൂക്കൾക്കു നനയ്ക്കുന്നതിനെക്കുറിച്ചു വേവലാതിപ്പെടേണ്ട-
അവ നട്ടുപിടിപ്പിക്കുന്നതിനെപ്പറ്റിത്തന്നെ ചിന്തിക്കേണ്ട;
അവ പൂവിടും മുമ്പേ നിങ്ങൾ നാട്ടിലേക്കു മടങ്ങിയിട്ടുണ്ടാവും;
അവ പിന്നെ ആർക്കു വേണം?
ഭാഷ പഠിച്ചെടുക്കുന്നതത്ര വിഷമമാണെങ്കിൽ
ഒരല്പം ക്ഷമ കാണിച്ചാൽ മതി;
നിങ്ങൾ മടങ്ങിച്ചെല്ലണമെന്നഭ്യർത്ഥിക്കുന്ന കമ്പിസന്ദേശത്തിന്‌
പരിഭാഷയുടെ ആവശ്യമില്ല.
ഓർക്കുക, കുമ്മായപ്പാളികളായി
മച്ചു പൊളിഞ്ഞുവീഴുമ്പോൾ
നിങ്ങളെ പുറത്തു നിർത്തുന്ന ചുമരും തകരുകയാണ്‌,
അത്രയും വേഗത്തിലല്ലെങ്കിൽ, അതിലും വേഗത്തിൽ.
No comments:
Post a Comment