ഞാൻ കാത്തു നിന്നതു നിന്നെയായിരുന്നില്ല,
ഇതേവരെ.
ഞാൻ കണ്ടതു നിന്നെയായിരുന്നില്ല,
ബാല്യത്തിൽ ഞാൻ കണ്ട സ്വപ്നങ്ങളിൽ,
എന്റെ യൌവനസ്വപ്നങ്ങളിലും.
ഞാൻ തേടിയതു നിന്നെയായിരുന്നില്ല,
പാനപാത്രങ്ങൾ പോലുള്ളുടലുകളിൽ.
ഞാൻ സ്വപ്നം കണ്ടതും നിന്നെയായിരുന്നില്ല,
വെയിൽക്കതിരുകളരയിൽ ചുറ്റി കുന്നിറങ്ങിവരുന്നതായി.
നമ്മുടെ വഴികളിലൂടെ നടന്നുപോവുകയായിരുന്നു നാം.
ഒരുനാൾ നമ്മുടെ വഴികൾ പരസ്പരം കണ്ടു.
നാമന്യോന്യം കൈകൾ നീട്ടി.
ആ നാളുകളെങ്ങോ മറഞ്ഞുകഴിഞ്ഞു,
എനിക്കെത്രയും പ്രിയപ്പെട്ടവളേ.
ആന്ദ്രേ സ്പൈർ (1868-1966) - ജൂതവംശജനായ ഫ്രഞ്ചുകവി.
