നിങ്ങളിക്കാണുന്നതു തന്നെ ഞാൻ,
കൂടുതലുമില്ല, കുറവുമില്ല.
ഒരു തുണ്ടു ജീവിതം,
മനുഷ്യവർഗ്ഗത്തിന്റെ ഒരംശം,
ഒരു കൈയിൽ കൊള്ളുന്നത്ര ചിരി,
ഒരു കൂനയോളം കിനാവുകൾ.
ഉന്മാദത്തിലൊരോഹരി,
ഒരല്പം ഓമനത്തം,
പിന്നെ ആത്മാർത്ഥതയും.
നിങ്ങളിക്കാണുന്നതു തന്നെ, ഞാൻ,
കൂടുതലുമില്ല, കുറവുമില്ല.
സ്ത്രീ, ചിലനേരം ശിശു,
ചിലനേരം സ്ഥലം,
ചിലനേരം അനന്തകാലം.
ചിലനേരം തൃഷ്ണ,
ചിലനേരം സ്വാതന്ത്ര്യം.
പക്ഷേ ഇതാണു ഞാൻ,
ഞാനിതേയാകൂ.
എനിക്കിതേയുള്ളു,
ഞാനിതേയുള്ളു.
ഇതധികമില്ല,
ഇതായാൽ പക്ഷേ,
എല്ലാമായി.
തെരേസ ഉബർട്ടോ ഉറിബേ (ജ.1965) - ചിലിയൻ കവയിത്രി.
