നീയില്ലാത്തതറിഞ്ഞിട്ടില്ല ഞാനിതേവരെ:
ഞാനുറങ്ങുന്നതു നിന്നോടൊപ്പം,
ഞാനുണരുന്നതു നിന്നോടൊപ്പം,
കിനാവിൽ നീയുണ്ടെന്നോടൊപ്പം,
എന്റെ കാതിൽ ലോലാക്കു കിലുങ്ങുമ്പോൾ
എന്റെ നെഞ്ചിൽ നടക്കുന്നുമുണ്ടു നീ.
(ആസ്തെക് പ്രണയഗാനം)
ഞാനൊരു മൂരിയായെങ്കിൽ,
ഒരു മൂരി,അഴകുള്ള മൂരി,
അഴകുള്ളോനെ,ന്നാൽ മുരത്തവൻ;
ഒരു വ്യാപാരി എന്നെ വാങ്ങും,
എന്നെ വാങ്ങുമയാളെ,ന്നെയറുക്കും,
എന്റെ തോലൂറയ്ക്കിടും,
പിന്നെയങ്ങാടിയിൽ കൊണ്ടുപോകും.
ഒരു നീചത്തി വിലപേശും,
ഒരു സുന്ദരി വാങ്ങുമെന്നെ.
മണക്കുന്ന തൈലമവൾ
എന്റെ മേൽ തളിയ്ക്കുമല്ലോ,
രാത്രിയിലവളോടൊപ്പം
പുതച്ചുമൂടിയുറങ്ങും ഞാൻ,
ഉച്ചയ്ക്കവളോടൊപ്പം
പുതച്ചുമൂടിയിരിക്കും ഞാൻ.
‘ഇതെന്താ ചത്ത തോൽ,’
അവൾക്കുള്ള ഭർത്താവു പറയും.
എനിക്കല്ലേ പക്ഷേ,
ആ പെണ്ണിന്റെ പ്രണയം കിട്ടി!
(അബിസീനിയൻ പ്രണയഗാനം)
images from wikimedia
