ശരൽക്കാലത്തു കൊഴിഞ്ഞുവീണ ഇലകൾ ചിലതു
കൈയിലെടുത്തുകൊണ്ട്
ബുദ്ധൻ ആനന്ദനോടു ചോദിച്ചു,
പഴുക്കിലകൾ ആകെ ഇത്രേയുള്ളോയെന്ന്.
ആനന്ദൻ പറഞ്ഞു,
കാലം ശരൽക്കാലമാണെന്ന്,
ഇലകൾ കൊഴിഞ്ഞുവീണുകൊണ്ടിരിക്കുകയാ-
ണവർക്കു ചുറ്റുമെന്ന്,
എണ്ണിയാലൊടുങ്ങില്ല അവയെന്ന്.
അപ്പോൾ ബുദ്ധൻ പറഞ്ഞു,
“ഒരു പിടി സത്യങ്ങൾ ഞാൻ നിനക്കു തന്നു.
ഇവ കൂടാതെ സത്യങ്ങൾ അനേകായിരമുണ്ട്,
ഒരിക്കലുമെണ്ണിത്തീരാത്തവയും.“
