എന്റെയാത്മാവുറക്കമായോ?
എന്റെ കിനാക്കളുടെ തേനറകളനക്കമറ്റുവോ?
ചിന്തയുടെ വെള്ളം തേവിയ ചക്രം-
അതും വരണ്ടുവോ?
ഒഴിഞ്ഞ നാഴികൾ കോരുന്നതു നിഴലുകളോ?
ഇല്ല, ഉറക്കമല്ലെന്റെ ഹൃദയം.
കണ്ണു മലർക്കെത്തുറന്നിരിക്കുകയാണത്.
ഉറക്കമല്ലത്, സ്വപ്നവുമല്ലത്,
തെളിഞ്ഞ കണ്ണുകൾ തുറന്നുവച്ച്
മഹാമൗനത്തിന്റെ വിളുമ്പിൽ
വിദൂരസംജ്ഞകൾക്കു കാതോർക്കുകയാണത്.
No comments:
Post a Comment