റിൽക്കെ - ഡോൺ ജൂവാന്റെ ബാല്യം

---

അവന്റെ മെലിഞ്ഞയുടൽ വളർന്നൊരു വില്ലായിരിക്കുന്നു;
ഒരു പെൺകരത്തിനും കരുത്തുണ്ടാവില്ലതെടുത്തു കുലയ്ക്കാൻ;
ചിലനേരമൊരു കൗതുകമവന്റെ മുഖത്തൊഴുകിയെന്നാവാം;
പിന്നെയതു കടന്നുപോവും, താൻ കണ്ടൊരു മുഖത്തതു ചെന്നു പറ്റും:
പ്രാചീനമായൊരു ചിത്രമെഴുത്തിൽ നിന്നൊരു സ്ത്രീ;
അവരുടെ അപരിചിതത്വമൊരു പുഞ്ചിരിയവനിലുണർത്തിയുമിരിക്കുന്നു.
ബാല്യത്തിന്റെ ഭീതികൾ നിറഞ്ഞ രാത്രിയിൽ നിന്നവൻ പുറത്തുപോന്നിരിയ്ക്കുന്നു;
അമിതമായൊരാത്മവിശ്വാസമവനെടുത്തുപയോഗിയ്ക്കുന്നു:
തന്നെയാരാധിക്കുന്ന, തന്നിലഗ്നി പടർത്തുന്ന സ്ത്രീകളുടെ നയനപരീക്ഷയെ
സഗൗരവം നേരിടാനവനിന്നു പഠിച്ചിരിക്കുന്നു.

---

link to image

---