നിങ്ങൾ കാത്തിരിക്കുന്നു, അതൊന്നിനായി നിങ്ങൾ കാത്തിരിക്കുന്നു,
നിങ്ങളുടെ ജീവിതത്തെ അനന്തവും വിപുലവുമാക്കുന്നതൊന്നിനായി:
അതിഗംഭീരവും, അനിതരസാധാരണവുമായതൊന്ന്,
നിദ്രാണശിലകളുടെ ജാഗരണം,
നിങ്ങൾക്കു നിങ്ങളെ വെളിപ്പെടുത്തുന്ന ഗർത്തങ്ങൾ.
അന്തിമിനുക്കത്തിൽ അലമാരകൾ നിങ്ങളുടെ കണ്ണിൽപ്പെടുന്നു,
പൊന്നും പാടലവും നിറത്തിൽ ചട്ടയിട്ട പുസ്തകങ്ങൾ;
നിങ്ങളോർത്തുപോകുന്നു, നിങ്ങൾ യാത്രപോയ വിദൂരദേശങ്ങളെ,
ഛായാചിത്രങ്ങളെ, ഒരുകാലം നിങ്ങൾ കീഴടക്കിയ,
പിന്നെ നിങ്ങൾക്കു കൈവിട്ടുപോയ സ്ത്രീകളുടെ മിന്നുന്ന വസ്ത്രങ്ങളെ.
പിന്നെപ്പൊടുന്നനേ നിങ്ങളറിയുന്നു: അതന്നായിരുന്നു!
നിങ്ങളെഴുന്നേൽക്കുന്നു, നിങ്ങൾക്കോർമ്മവന്നിരിക്കുന്നുവല്ലോ,
നിങ്ങളുടെ വിദൂരഭൂതകാലത്തിൽ നിന്നൊരു വർഷം,
അതിന്റെ ഭീതികളും, അതിന്റെ പ്രാർത്ഥനകളും, സംഭവങ്ങളുമായി.
No comments:
Post a Comment