ഈ വിഷാദത്തിന്റെ നേരത്തു
ഞാനേതൊന്നിൽപ്പിടിച്ചു നിൽക്കുന്നു?
എന്റെ പൂവിടുന്ന പൊൻവനത്തെ
ആരു വെട്ടിവീഴ്ത്തുന്നു?
പ്രഭാതമെനിയ്ക്കു നിവേദിച്ച പുഴവെള്ളത്തിന്റെ
കലങ്ങിയ വെള്ളിയിൽ
ഏതൊന്നു ഞാൻ കൂട്ടിവായിക്കുന്നു?
എന്റെ കാട്ടിനുള്ളിൽ
ഏതു ഭാവനാവൃക്ഷം കടപുഴകിവീഴുന്നു?
ഏതു മൗനത്തിന്റെ തോരാമഴ
എന്നെപ്പിടിച്ചുലയ്ക്കുന്നു?
എന്റെ മരിച്ച കാമുകിയെ
വിഷാദത്തിന്റെ പുഴയോരത്തു
ഞാൻ വിട്ടുപോന്നുവെങ്കിൽ,
ഏതു കള്ളിമുൾച്ചെടികൾ
നവജാതമാകുന്നതൊന്നിനെ
എന്നിൽ നിന്നു മറയ്ക്കുന്നു?
1919
link to image
No comments:
Post a Comment