ചെസ് വാ മിവോഷ് - പലായനം

---

എരിയുന്ന നഗരം വിട്ടു നമ്മൾ പലായനം ചെയ്യുമ്പോൾ
പാതയുടെ തുടക്കത്തിൽ നിന്നു തിരിഞ്ഞുനോക്കി ഞാൻ പറഞ്ഞു:
“നമ്മുടെ കാല്പാടുകളെ പുല്ലു മൂടിമറയ്ക്കട്ടെ,
ഉഗ്രന്മാരായ പ്രവാചകന്മാർ അഗ്നിയിൽ നിശബ്ദരാവട്ടെ,
നടന്നതെന്തെന്നു മരിച്ചവർ മരിച്ചവർക്കു പറഞ്ഞുകൊടുക്കട്ടെ.
ഹിംസയുടെ പുതുഗോത്രത്തിനു പിറവി കൊടുക്കുക നമുക്കു വിധിച്ചത്,
അവിടെ മന്ദിച്ച തിന്മയുമാനന്ദവും തീണ്ടാത്തത്. നമുക്കു പോവാം”
- ഒരാഗ്നേയഖഡ്ഗം ഭൂമിയെ ഞങ്ങൾക്കായി വെട്ടിത്തുറക്കുകയും ചെയ്തു.

---

The Destruction Of Sodom And Gomorrah, a painting by en:John Martin (painter), died 1854

---