ദിവസം ആദ്യമൊരു വർഷമായിരുന്നു,
കുട്ടികൾ പൂന്തോട്ടത്തിലോടിനടന്ന കാലം.
ദിവസം ഒരു മാസമായിച്ചുരുങ്ങി,
കുട്ടികൾ പന്തു തട്ടി നടന്ന കാലം.
ദിവസം ഒരാഴ്ചയായി പിന്നെ,
യുവാക്കൾ പൂന്തോട്ടത്തിലുലാത്തുന്ന കാലം;
ദിവസം ഒരു ദിവസം തന്നെയായി,
പ്രണയത്തിനുയരം വച്ച കാലം.
ദിവസം ഒരു മണിക്കൂറായിച്ചുരുങ്ങി,
കിഴവന്മാർ പൂന്തോട്ടത്തിൽ വേയ്ച്ചുനടന്ന കാലം;
ദിവസം നിത്യതയായി ദീർഘിക്കും,
അതൊന്നുമല്ലാതാകുന്ന കാലം.
തിയോഡർ സ്പെൻസർ (1902-1949)- അമേരിക്കൻ കവിയും അക്കാഡമിക്കും.
No comments:
Post a Comment