വയസ്സു മൂന്ന്
എനിക്കു ഭൂതകാലമേ ഉണ്ടായിരുന്നില്ല
വയസ്സഞ്ച്
എന്റെ ഭൂതകാലം ഇന്നലെ വരെ എത്തിയിരുന്നു
വയസ്സേഴ്
എന്റെ ഭൂതകാലം കുടുമ വച്ച സമുരായികൾ വരെ എത്തിയിരുന്നു
വയസ്സു പതിനൊന്ന്
എന്റെ ഭൂതകാലം ദിനോസാറുകൾ വരെ എത്തിയിരുന്നു
വയസ്സു പതിനാല്‌
എന്റെ ഭൂതകാലം സ്കൂളിലെ പാഠപുസ്തകങ്ങളുമായി ഒത്തുപോയിരുന്നു
വയസ്സു പതിനാറ്‌
എന്റെ ഭൂതകാലമെന്ന അനന്തതയെ ഞാൻ ഭീതിയോടെ കാണുന്നു
വയസ്സു പതിനെട്ട്
എന്നെക്കുറിച്ച് ഒരു വസ്തുവും എനിക്കറിയുന്നില്ല
ഷുൻടാരോ തനിക്കാവ- 1931ൽ ജനിച്ച ജാപ്പനീസ് കവി.
No comments:
Post a Comment