ധർമ്മം തേടി പതിനായിരം പടവുകൾ നിങ്ങൾ കയറി,
ഗ്രന്ഥങ്ങൾ പകർത്തിപ്പകർത്തി നിങ്ങൾ നാളുകൾ കഴിച്ചു.
ടാങ്ങിന്റെ ഗുരുത്വവും സുങ്ങിന്റെ ഗഹനതയും
നിങ്ങളുടെ മാറാപ്പിൽ ഭാരങ്ങളായി.
ഇതാ! നിങ്ങൾക്കായി ഞാൻ പറിച്ച ഒരു പിടി കാട്ടുപൂക്കൾ.
അതേ അർത്ഥം തന്നെയാണിവയ്ക്കും,
കൊണ്ടുനടക്കാനെളുപ്പവും.
ടാങ്ങ്, സുങ്ങ് - സാഹിത്യത്തിലും കലയിലും ചൈനയുടെ സുവർണ്ണകാലങ്ങൾ
No comments:
Post a Comment