എനിക്കിഷ്ടമാണീയുടലിനെ, കതിരു പോലുള്ളതിനെ,
പ്രണയചാപലങ്ങളോടു പ്രതികരിക്കുന്ന കൈകളെ,
വികാരതീക്ഷ്ണമായ കണ്ണുകളെ, നെറ്റിത്തടത്തെ,
അതു മറച്ചും കൊണ്ടു തിര തെറുക്കുന്ന മുടിച്ചുരുളുകളെ.
എത്രയെത്ര ദേശങ്ങളിൽ, എത്രയെത്ര ഋതുക്കളിൽ
ഞാനിത്രനാൾ തേടിനടന്നവൾ നീയായിരുന്നുവല്ലോ;
ഒരേ ഹിതങ്ങളുള്ളവർ, സമാനഹൃദയർ നമ്മൾ,
തുല്യനിലയിൽ സംസാരിക്കാനർഹതപ്പെട്ടവർ നമ്മൾ.
നിനക്കു ബോധിച്ച പുരുഷനെ നീയെന്നിൽ കണ്ടു.
അല്പകാലത്തേക്കു നീയെന്നിൽ ചൊരിയുകയും ചെയ്യും,
പ്രീതികൾ, ചുംബനങ്ങൾ, വാത്സല്യാതിരേകങ്ങൾ.
പിന്നെയെന്നെ, പതിവു പോലെ, വഞ്ചിക്കുകയും ചെയ്യും.
No comments:
Post a Comment