പാറക്കെട്ടുകൾ തകർത്തിറങ്ങിയും മണ്ണു ചുട്ടുപൊള്ളിച്ചും
എന്റെ തൃഷ്ണയുടെ ലാവാപ്രവാഹമിരമ്പിയെത്തിയപ്പോൾ
മിതോഷ്ണമായ നിന്റെ പ്രണയത്തിനതു ചേരുമായിരുന്നില്ല,
നിന്റെ മെരുങ്ങിയ പ്രകൃതത്തിലതൊതുങ്ങുമായിരുന്നില്ല.
നിനക്കിഷ്ടം പ്രണയത്തിന്റെ പൊതുവഴികളായിരുന്നു,
ചെത്തിയൊരുക്കിയ പ്രണയത്തിന്റെ പൂന്തോപ്പുകളായിരുന്നു;
ഭർത്താവുമൊത്തുലാത്തുന്ന നിന്നെ ഞാനിന്നു കാണുന്നു-
പതിധർമ്മനിരതയായ, ഗർഭിണിയായൊരു ശ്രീമതി.
No comments:
Post a Comment