പലരായിരുന്നു, എന്റെ ജീവിതം ദുരിതമാക്കിയവർ,
ദുര്യോഗം മതി എനിക്കെന്നു വിധിച്ചവർ;
ചിലരവരുടെ നിർഭരസ്നേഹത്താൽ,
വിദ്വേഷത്താൽ വേറേ ചിലർ.
എന്റെ പാനപാത്രത്തിലവർ വിഷം നിറച്ചു,
എന്റെ അപ്പത്തിലവർ വിഷം കലർത്തി;
ചിലരവരുടെ നിർഭരസ്നേഹത്താൽ,
വിദ്വേഷത്താൽ വേറേ ചിലർ.
എന്നാലവൾ, മറ്റേതൊരാളെക്കാളുമുപരി
എന്റെ ജീവിതം നരകമാക്കിയവൾ,
അവളെന്നോടു വിദ്വേഷം കാണിച്ചില്ല,
അവളെന്നോടു പ്രണയവും ഭാവിച്ചില്ല.
No comments:
Post a Comment