പ്രാർത്ഥന
വാരിയെടുക്കൂ
നിങ്ങളുടെ കാരുണ്യത്തിന്റെ കൈകളിൽ
രോഗികളെ, പതിതരെ,
ആശ കെട്ടവരെ, ക്ഷീണിതരെ,
ഈ തളർന്ന നഗരത്തിലെ
അടിമട്ടായവരെ
വാരിയെടുക്കൂ
നിങ്ങളുടെ കാരുണ്യത്തിന്റെ കൈകളിൽ.
വാരിയെടുക്കൂ
നിങ്ങളുടെ സ്നേഹത്തിന്റെ കൈകളിൽ
മുകളിൽ നിന്നൊരു സ്നേഹവും
പ്രതീക്ഷിക്കാനില്ലാത്തവരെ.
ഉദ്യാനം
വിചിത്രവും
വിരൂപവുമായ പുൽക്കൊടികൾ,
വിചിത്രവും
വിരൂപവുമായ മരങ്ങൾ,
വിചിത്രവും
വിരൂപവുമായ ട്യൂലിപ്പുകൾ
മുട്ടുകാലിൽ.
കാരണമെന്തെന്നാൽ
ഞാൻ നിന്നെ പ്രേമിക്കുന്നുവെന്നതിനാൽ-
അതു തന്നെയാണു കാരണം
എന്റെയുള്ളാകെ നിറങ്ങളാവാൻ
ഒരു പൂമ്പാറ്റയുടെ ചിറകുകൾ പോലെ.
ഞാൻ നിന്നെ പ്രേമിക്കുന്നുവെന്നതിനാൽ-
അതു തന്നെയാണു കാരണം
ആലില പോലെന്റെ ഹൃദയം വിറക്കൊള്ളാൻ
നീയരികിലൂടെപ്പോകുമ്പോൾ.
No comments:
Post a Comment