നിങ്ങളുടെ അമ്മമാർ പ്രസവിച്ചതു വേദനയോടെ,
നിങ്ങളുടെ പെണ്ണുങ്ങൾ ഗർഭം ധരിക്കുന്നതേ പക്ഷേ, വേദനയോടെ.
ഇനി മേൽ പ്രണയമെന്ന പ്രവൃത്തിക്കഭിവൃദ്ധിയില്ല.
പ്രജനനം ഇപ്പോഴും നടക്കുന്നുണ്ട്,
ആശ്ളേഷം പക്ഷേ, ഗുസ്തിക്കാരുടെ ആശ്ളേഷമായിരിക്കുന്നു.
തങ്ങളെ വച്ചുകൊണ്ടിരിക്കുന്നവർ കടന്നുപിടിക്കുമ്പോൾ
ആത്മരക്ഷക്കായി സ്ത്രീകൾ കൈയുയർത്തുകയാണ്‌.
ഗ്രാമീണയായ പാൽക്കാരി,
ആശ്ളേഷത്തിലാനന്ദം കാണുന്നതിനുള്ള കഴിവിൽ പേരു കേട്ടവൾ,
മൃദുരോമക്കുപ്പായം ധരിച്ച അസന്തുഷ്ടകളായ സഹോദരിമാരെ
അവളവജ്ഞയോടെ നോക്കുകയാണ്‌:
പണം വാങ്ങാതെയല്ല, ലാളിക്കുന്ന കൈകളിൽ കിടന്നവർ ചന്തി കുലുക്കുന്നതും.
എത്രയോ തലമുറകളുടെ ദാഹം ശമിപ്പിച്ച വസന്തം,
ആ ക്ഷമാശീല,
ഉൾക്കിടിലത്തോടെയാണവൾ കാണുന്നത്,
ആ തലമുറകളിൽ അവസാനത്തേത് കയ്ച്ച മുഖത്തോടെയാണ്‌ തന്നിൽ നിന്നു മോന്തുന്നതെന്ന്.
ഏതു മൃഗത്തിനും കഴിയുന്നതാണത്.
ഈ ആളുകൾ അതിനെ കലയായി പരിഗണിക്കുന്നു.
No comments:
Post a Comment