പ്രണയവിദ്യ
പ്രണയമാനന്ദമാകണമെങ്കിൽ
ആത്മാവിനെ മറന്നേക്കു.
പ്രണയത്തിന്റെ രസം കളയുന്നതാത്മാവു തന്നെ.
ദൈവത്തിലേ ആത്മാക്കൾ തൃപ്തരാവൂ,
മറ്റാത്മാക്കളിലല്ല,
ദൈവത്തിൽ, അല്ലെങ്കിൽ
പരലോകത്തിൽ.
അന്യോന്യം തൊട്ടറിയാനാത്മാക്കൾക്കാവില്ല.
നിങ്ങളുടെ ഉടൽ മറ്റൊരുടലുമായിടപഴകട്ടെ,
ഉടലുകളാണന്യോന്യമറിയുകയെന്നതിനാൽ,
ആത്മാക്കൾക്കതാവുകയില്ലെന്നതിനാൽ.
നിന്റെ കൈ എന്റെ നെറ്റിയിൽ വയ്ക്കൂ...
എന്റെ മൌനം കൊണ്ടു നോവരുതേ നീ:
വാക്കുകളെനിക്കു മടുത്തുന്നുവെന്നേയുള്ളു.
നിനക്കറിയില്ലേ നിന്നെ ഞാൻ സ്നേഹിക്കുന്നുവെന്ന്?
നിന്റെ കൈ എന്റെ നെറ്റിയിൽ വയ്ക്കൂ:
തടുക്കരുതാത്തൊരു തുടിപ്പിൽ നീ അറിയും,
സാരവത്തായ ഒരേയൊരു പദത്തിനർത്ഥം:
പ്രണയം.
No comments:
Post a Comment